O Chascarrillo Indiscriminado

CPU: Monitor, visualiza este documento.

Monitor: Non hai problema, xefe.

CPU: Vale, agora parece que está movendo o rato, así que, Monitor, podes mover o cursor de forma acorde aos seus movementos?

Monitor: O que pidas, xefe.

CPU: Ben, ben, moi ben. Rato, onde vas agora?

Rato: Sobre o panel de control, señor.

CPU: Hummm… faime saber se preme algo, dacordo?

Rato: Por suposto.

Teclado: Señor, acaba de premer ‘Control’ e ‘P’ simultaneamente.

Monitor: Mi madriña, alá imos…

CPU: (suspiro) Impresora? Estás aí?
Impresora: Non.

CPU: Por favor, Impresora, sei de sobra que estás aí.

Impresora: NON! Non estou! Deixádeme soa!

CPU: Joder…, a ver… mira, necesitamos qu…

Rato: Señor, acaba de premer o botón da impresora.

CPU: Impresora, agora tés que imprimir o documento dúas veces.

Impresora: NON, CONA! NON, NON! Non quero! Ódiote! Odio imprimir! Voume apagar!

CPU: Impresora, sabes que non podes apagarte a ti mesma. Só tés que imprimir o documento dúas veces e deixarémoste á túa bóla.

Impresora: NON! Iso é o que sempre dis! Ódiote! Non me queda tinta!

CPU: Si que che queda tin…

Impresora: NON ME QUEDA TINTA!!!

CPU: (suspiro) Monitor, por favor, amosa unha alerta que poña que non queda tinta.

Monitor: Pero señor, se ten tinta de so…

CPU: Faino e cala, ostia!

Monitor: Si, señor.

Teclado: Aaahh! Estame pegando!

CPU: Mantén a calma, parará moi pronto. Mantén a calma, vello amigo.

Teclado: Está premendo todas as teclas! Mi madriña! Está premendo todo!

CPU: IMPRESORA! Estás contenta?! Viches o que conseguiches?!

Impresora: Jajajaja, iso é o que consigues por obrigarme a traballar. A próxima vez terá… ei… EI! Está intentando abrirme! AXUDA! AXUDA! Merda! Abriu a miña carcasa! AXUDA! Por favor! ERRO!

Monitor: Señor, deberíamos axudala?

CPU: Por nada do mundo…

This entry was posted on mércores, abril 23rd, 2008 at 11:05 am and is filed under Irresponsables. You can follow any responses to this entry through the RSS 2.0 feed. You can leave a response, or trackback from your own site.